Улсын хэмжээнд 27 хоногийн газрын тосны бүтээгдэхүүний нөөцтэй байна
Уул уурхай, хүнд үйлдвэрийн яамнаас сар бүр зохион байгуулдаг “Ил
тод, хариуцлагатай уул уурхай” хэвлэлийн бага хурал өнөөдөр /2019.06.26/
болж, салбарын 2019 оны эхний таван сарын статистик мэдээллийг
хүргэлээ.
Монгол Улсын хэмжээнд 2019 онд нийт 8.15 сая баррель /1.1 сая тонн/
газрын тос олборлон, экспортод гаргаж, газрын тосны орлогоос улсын
төсөвт 223.4 тэрбум төгрөгийн орлого төвлөрүүлэх төлөвлөгөөтэй. Энэ
сарын 12-ны байдлаар улсын хэмжээнд 3.01 сая баррель буюу 408,091 тонн
газрын тос олборлож, 2.84 саябаррель буюу 385,746 тонн газрын тос
экспортлов.
Тавдугаар сарын 7-ны өдрийн байдлаар улсын төсөвт 47.5 тэрбум
төгрөгийн орлого хуримтлуулав. Энэ сарын 18-ны өдрийн байдлаар улсын
хэмжээнд дунджаар ердийн хэрэглээний 27 хоногийн газрын тосны
бүтээгдэхүүний нөөцтэй байна.
Үүнээс:
- А-80 автобензин 45;
- Аи-92 автобензин 35;
- Дизелийн түлш 19;
- ТС-1 онгоцны түлш 18 хоногийн нөөцтэй байна.
