Сэлэнгэчүүддээ туслах “Сэтгэлийн дэм” хандивын аянг эхлүүлжээ

Хэлж ирдэггүй, хийсч ирдэг өвчинтэй бид нүүр туллаа. Дэлхий даяар тархсан цар тахлын халдварыг дотооддоо алдахгүйн тулд төр засгийн зүгээс маш олон арга хэмжээ авч хэрэгжүүлсэн.

Гэвч цар тахлын багц тохиолдлууд илэрч, Бүх нийтийн бэлэн байдлын зэрэгт шилжүүллээ.

Яг энэ үед Сэлэнгэ аймгийн залуучууд хамтран санаачилж Сэлэнгэчүүддээ туслах “Сэтгэлийн дэм” хандивын аянг эхлүүлжээ. Тэдний зүгээс тус аймагт коронавируст халдварын багц тохиолдол Сэлэнгэ аймагт илэрч, төрж өссөн нутгийн иргэд маш их ачаалал үүрч, эрвийх дэрвийхээрээ зүтгэж байгаа энэ үед нутгийн зон олондоо туслах үүднээс ийнхүү хандивын аянг эхлүүлжээ. Сэлэнгэ нутгаар овоглосон, Сэлэнгэ нутгаа гэсэн чин сэтгэлтэй хүмүүс нэгдэн хандивын аянг эхлүүлэх санаачлага гаргасан нь олон хүмүүсийг талархлыг хүлээгээд байгаа аж.  

ОЛНЫ ХҮЧ ОЛОМГҮЙ ДАЛАЙ гэж ардын сайхан үг бий. Энэ цаг үед улс орны эдийн засаг маш хүнд байна. Ард иргэд ч ялгаагүй хүнд цаг үеийг туулж байна. Иймээс нэг ч гэсэн айлын амьдралд нэмэр болж, амьдрал нь тааруу тарчиг байгаа айлын бяцхан хүүхдүүд өлсөж, хүйтэнд даарч хөрч байгаа нэгэндээ сэтгэлийн дэм өргөхөөр тэд ийнхүү нэгджээ.

Аянг санаачлагчдын зүгээс “Боломжтой хүн бүр боломжгүй нэгэндээ тусалж, борог амьдралд бага ч болов гэрэл гэгээ нэмж, Сэлэнгэ түмэндээ “Сэтгэлийн дэм”-ээ илгээе” гэх уриалгыг дэвшүүлжээ.

Уг аян эхлээд дөнгөж 3 хонож байгаа ч хүмүүс идэвхитэй оролцон өөрийн боломжоор хандив өгж байгаа бөгөөд өнөөдрийн байдлаар нийт 5 660 000 төгрөг цугласан байна. 

Группэд нэгдэж хандив өргөхийг хүсвэл энд дарна уу.



Шинэ мэдээ

Их уншсан


Мэдээлэл хуулбарлах хориотой, бүх эрх хуулиар хамгаалагдсан.