Киргизстан Улсад паспортын тендертэй холбоотой авлигын эрсдэл үүсчээ
Киргизстан Улсын Аюулгүй байдлын албаныхан паспорт бэлтгэж өгөх тендерийн сонгон шалгаруулалтад оролцсон Литвын компанид давуу байдал олгосон гэх үндэслэлээр төрийн албан хаагчдыг шалгаж эхэлсэн байна.
Орон нутгийн хэвлэлийнхний мэдээлснээр, цахим технологийн чиглэлээр үйл ажиллагаа явуулдаг төрийн өмчит компанийн захирал, улсын бүртгэлийн байгууллагын ахлах түвшний хоёр албан тушаалтныг энэ асуудалд холбогдуулан саатуулан шалгаж байгаа гэнэ.
Зарим эх сурвалжийн мэдээлж буйгаар Литвын компанид хэт давуу байдал олгосноор тендерийн материал бүрдүүлэх ажил хялбар явагдсан бөгөөд бусад компаниудын хувьд техникийн шалтгааны улмаас уг тендерээс хасагдсан ажээ.
